ကုရ်အာန်ထဲက သန္ဓေသားဗေဒ
အပိုင်း-၁+၂
Translated by ISLAM MEANS PEACE.
မေးခွန်းထုတ်စရာကတော့ ကျောင်းတွေ၊ ကောလိပ်တွေလည်း မရှိတဲ့နေရာ၊ ပူပြင်းခြောက်သွေ့ပြီး သဲကန္တာရနဲ့ တောင်တန်းတွေ ကြားထဲက ဒေသမှာ ကုလားအုတ်ခေတ်က မွေးဖွားကြီးပြင်းလာခဲ့တဲ့ မုဟမ္မဒ်(စွ)က ကျောင်းလည်း မတက်ခဲ့ရဘဲနဲ့ ဘယ်လူသားတစ်ဦးတစ်ယောက်ဆီကမှ ပညာလည်း မသင်ခဲ့ရဘဲနဲ့ ဘယ်လိုလုပ်ပြီး မိုက်ကရိုစကုပ်တို့ ဓာတ်မှန်တို့ရှိမှသိနိုင်မယ့်အကြောင်းတွေကို ပြောပြနိုင်ရတာပါလဲ။ ကုရ်အာန်ကပဲ အဖြေ ပြန်ပေးထားပါတယ်- “(အို-တမန်တော်) အသင် ပြောလိုက်ပါ- “၎င်း(ကုရ်အာန်ကျမ်း)အား မိုးကောင်းကင်များနှင့် မြေပထဝီတွင်ရှိသော လျှို့ဝှက်ချက်ကို သိတော်မူသော အရှင်မြတ်က ချပေးတော်မူခဲ့ခြင်း ဖြစ်သည်။” (ကုရ်အာန်-၂၅း၆)
(၅၃) ငါအရှင်မြတ်သည် သူတို့အား မိုးကုပ် စက်ဝိုင်းများတွင် သာမက သူတို့၏ ခန္ဓာကိုယ်များထဲတွင်လည်း ငါအရှင်မြတ်၏ သက်သေ လက္ခဏာများကို မကြာမီ ပြသတော်မူမည် ဖြစ်သည်။ နောက်ဆုံးတွင် သူတို့အတွက် အမှန်စင်စစ် ကုရ်အာန် ကျမ်းတော်မြတ်သည် မှန်ကန်ကြောင်း သိသာထင်ရှား လာလိမ့်မည်။ ထို့ပြင် အသင့်အား ဖန်ဆင်း မွေးမြူတော်မူသော အရှင်မြတ်သည် အရာအားလုံး အပေါ်တွင် မျက်မှောက် အသိ သက်သေ ဖြစ်နေတော်မူခြင်းသည် မလုံလောက်သလော။
ကုရ်အာန်ကျမ်းရှင်က ကုရ်အာန်မှန်ကန်ကြောင်း သိသာထင်ရှားလာတဲ့အထိ သက်သေ အထောက်အထားတွေကို ပြသတော်မူမယ်လို့ (ကုရ်အာန်-၄၁း၅၃)မှာ ကတိပြုထားတဲ့အတိုင်း သိပ္ပံပညာရှင်တွေရဲ့ လက်တွေ့ ထုတ်ဖော်ပြသချက်တွေနဲ့ ကုရ်အာန်ရဲ့ မိန့်ကြားချက်တွေ ကိုက်ညီနေခြင်းဟာ ကုရ်အာန်တကယ် မှန်ကန်ကြောင်း သက်သေ အထောက်အထား အံ့ဖွယ်တန်ခိုးတော် ဖြစ်ပါတယ်။
အပိုင်း-၁
အပိုင်း-၂
Comments
Post a Comment